வெஜ் பீஸ் மசாலா

 வெஜ் பீஸ் மசாலா

தேவையானவை:

 பச்சை பட்டாணி 1 கப்
கரம் மசாலா 1 தேக்கரண்டி
மிளகாய் தூள் 1 தேக்கரண்டி
கொத்தமல்லித்தழை சிறிதளவு
வெண்ணெய் 1 மேசைக்கரண்டி
உப்பு,எண்ணெய் தேவையானது
-------
அரைக்க: (1)
வெங்காயம்1
தக்காளி 2
இஞ்சி 1 துண்டு
பூண்டு 4 பல்
------
அரைக்க: (2)
முந்திரிபருப்பு 5
பாதாம் 5
கசகசா 1 தேக்கரண்டி
-------
தாளிக்க:
கிராம்பு 2
ஏலக்காய் 2
பட்டை 1 துண்டு
------
செய்முறை:

பட்டாணியை வேகவைத்துக்கொள்ளவெண்டும். (அல்லது frozen peas வாங்கலாம்)

வெங்காயம்,தக்காளி,இஞ்சி,பூண்டு நான்கையும் பொடியாக நறுக்கி எண்ணெயில் வதக்கி நைசாக அரைத்துக்கொள்ளவேண்டும்.

முந்திரிபருப்பு,பாதாம்,கசகசா மூன்றையும் ஒரு மணி நேரம் தண்ணீரில் ஊறவைத்து நைசாக அரைத்துக்கொள்ளவும்.

வாணலியில் வெண்ணெய் சேர்த்து தாளிக்க வேண்டியவைகளை தாளித்து அரைத்து வைத்துள்ள இரண்டு விழுதுகளையும் சிறிது உப்பு,தண்ணீர் சேர்த்து கொதிக்கவிடவும்.
அதனுடன் வேகவைத்த பட்டாணி சேர்க்கவும்.
பின்னர் கரம் மசாலா,மிளகாய் தூள் சேர்த்து கொதிக்கவிடவும்.
எல்லாம் சேர்ந்து கொதித்தவுடன் கொத்தமல்லித்தழையை தூவவும்

 வெஜ் பீஸ் மசாலா சப்பாத்தி பூரிக்கு ஏற்ற side dish..

வெல்ல அடை,உப்பு அடை (காரடையான் நோன்பு

14.3.2014 அன்று காரடையான் நோன்பு கொண்டாடப்படுகிறது.அன்று வெல்ல அடை,உப்புஅடை என்று இருவகை அடைகள் செய்வது வழக்கம்.
----
முதலில் பச்சரிசி அரைகிலோவை அரைமணிநேரம் ஊறவைத்து களைந்து வடித்து காயவைத்து நைசாக அரைத்து சலித்துக்கொள்ளவும்.வாசனை வரும்வரை வறுக்கவும்.   (அல்லது பதப்படுத்திய அரிசி மாவு கடைகளில் கிடைக்கிறது. அதை நன்றாக வறுத்து உபயோகப்படுத்தலாம்.)

-
வெல்ல அடை:
தேவையானவை:

வறுத்த பச்சரிசி மாவு 1 கப்
காராமணி 1/2 கப்
தேங்காய் சிறிய பற்களாக கீரியது அரை கப்
வெல்லம் (பொடித்தது) 1 கப்
ஏலக்காய் தூள் 1 டீஸ்பூன்
தண்ணீர் 2 கப்

செய்முறை:

காராமணியை வறுத்து வேகவிட்டு வடிய வைக்கவும்.

ஒரு அகலமான பாத்திரத்தை எடுத்துக்கொண்டு இரண்டு கப் தண்ணீர் விட்டு வெல்லத்தைப்போட்டு கொதிக்கவிடவும்.
வெல்லம் நன்றாக கரைந்து தண்ணீர் "தள தள' என்று கொதிக்கும்போது காராமணி,தேங்காய் துண்டுகள்,ஏலப்பொடி சேர்க்கவும்.
வறுத்துவைத்துள்ள மாவை ஒரு கையால் கொட்டிக்கொண்டே மறுகையால் கிளறவும்.
மாவு நன்றாக வெந்ததும் கையில் லேசாக எண்ணைய் தடவி அதில் இந்த மாவை உருட்டி வைத்து வடைபோல் தட்டி
இட்லி பாத்திரத்தில் ஆவியில் வைத்து பத்து நிமிடம் கழித்து எடுக்கவும்.

உப்பு அடை:
தேவையானவை:

வறுத்த பச்சரிசி மாவு 1 கப்
காராமணி 1/2 கப்
தேங்காய் துண்டுகள் 1/2 கப்
தண்ணீர் 2 கப்
பொடியாக நறுக்கிய இஞ்சி 1 டேபிள்ஸ்பூன்
பொடியாக நறுக்கிய பச்சைமிளகாய் 1 டேபிள்ஸ்பூன்
உப்பு,எண்ணைய் தேவையானது

தாளிக்க:

கடுகு,உளுத்தம்பருப்பு,பெருங்காயம்,கறிவேப்பிலை

செய்முறை:

காராமணியை வறுத்து வேகவிட்டு வடிய வைக்கவும்.
ஒரு வாணலியை எடுத்துக்கொண்டு அதில் சிறிதளவு எண்ணைய் விட்டு தாளிக்க வேண்டியவைகளை தாளித்து இஞ்சி,பச்சைமிளகாய் சேர்த்து வதக்கவும்.
பின்னர் இரண்டு கப் தண்ணீரை உப்புடன் சேர்த்து கொதிக்கவிடவும்.தண்ணீர் நன்கு கொதித்தவுடன் வெந்த காராமணி,தேங்காய் துண்டுகள் சேர்த்து வறுத்த மாவை
தூவிக்கொண்டே கிளறவும்.
மாவு நன்றாக வெந்ததும் வடைபோல தட்டி இட்லி தட்டில் ஆவியில் வைத்து பத்து நிமிடம் கழித்து எடுக்கவும்.

காப்சிகம்..வெங்காயம் பொரியல்

தேவையானவை:
பச்சை குடமிளகாய் 1
சிவப்பு குடமிளகாய் 1
மஞ்சள் குடமிளகாய் 1
வெங்காயம் 2
மஞ்சள் தூள் 1/2 தேக்கரண்டி
பயத்தம் பருப்பு 1 மேசைக்கரண்டி
------
அரைக்க:
தேங்காய் துருவல் 1 மேசைக்கரண்டி
பச்சை மிளகாய் 2
பொட்டுக்கடலை 1 மேசைக்க்கரண்டி
------
தாளிக்க:
கடுகு 1 தேக்கரண்டி
உளுத்தம்பருப்பு1 தேக்கரண்டி
கறிவேப்பிலை  சிறிதளவு.
--------
செய்முறை:

மூன்று  குட மிளகாய்களையும்,வெங்காயத்தையும் பொடியாக நறுக்கிக்கொள்ளவும்.
பயத்தம்பருப்பை பத்து நிமிடம் தண்ணீரில் ஊறவைக்கவும்.
அரைக்கக் கொடுத்துள்ளவைகளை தண்ணீர் விடாமல் அரைத்துக்கொள்ளவும்.

அடுப்பில் கடாயை வைத்து எண்ணைய் சேர்த்து தாளிக்க வேண்டியவைகளை தாளித்து வெங்காயத்தை பொன்னிறமாக வதக்கவும்.
ஊறவைத்துள்ள பயத்தம்பருப்பை வடிகட்டி இதனுடன் சேர்த்து பிரட்டவும்..
பின்னர் நறுக்கி வைத்துள்ள மூன்று குடமிளகாய்களையும் தேவையான உப்பு,மஞ்சள் தூள் சேர்த்து வதக்கவும்.
குடமிளகாய் எல்லாம் நன்கு வெந்ததும் அரைத்து வைத்துள்ள தேங்காய்,பொட்டுக்கடலை பொடியை தூவி கிளற சுவையான குடமிளகாய்..வெங்காயம்...பொரியல் ரெடி.

பார்க்க கலர்ஃபுல்லாக இருப்பதால் குழந்தைகள் விரும்பி சாப்பிடுவார்கள்.

ரவை சேமியா கிச்சடி

தேவையானவை:

ரவை 1 கப்
சேமியா 1 கப்
பயத்தம்பருப்பு 1/2கப்
மஞ்சள் தூள் 1 தேக்கரண்டி
வெங்காயம் 2
தக்காளி 2
பட்டாணி 1/2 கப்
இஞ்சி ஒரு துண்டு
பூண்டு 4 பல்
தண்ணீர்  5 கப்
உப்பு.எண்ணெய் தேவையானது
------
தாளிக்க:
கடுகு 1 தேக்கரண்டி
சீரகம் 1 தேக்கரண்டி
கறிவேப்பிலை சிறிதளவு
------
செய்முறை:

ரவையையும் சேமியாவையும் தனித்தனியே எண்ணெய் விடாமல் வறுத்துக்கொள்ளவும்.
வெங்காயம்,தக்காளி,இஞ்சி,பூண்டு நான்கையும் பொடியாக நறுக்கிக்கொள்ளவும்.
பயத்தம்பருப்பை ஒரு  கப் தண்ணீரில் மஞ்சள் தூள் சேர்த்து குக்கரில் வைத்து (4 விசில்) நன்கு குழைய வேகவைக்கவும்.

ஒரு அகண்ட பாத்திரத்தை எடுத்துக்கொண்டு அதில் சிறிது எண்ணெய் ஊற்றி தாளிக்கவேண்டியவைகளை தாளித்து வெங்காயத்தை சேர்த்து வதக்கவும்.
அதனுடன் பொடியாக நறுக்கியுள்ள தக்காளி, பட்டாணி ,இஞ்சி,பூண்டு வதக்கி நான்கு கப் தண்ணீர் ஊற்றி தேவையான உப்பு சேர்த்து கொதிக்கவிடவும்.
தண்ணீர் கொதித்தவுடன் முதலில் வறுத்த ரவையை சேர்த்து ஒரு கிளறு கிளறி பின்னர்  சேமியா,வேகவைத்த பயத்தம்பருப்பை சேர்க்கவும்.
எல்லாம் ஒன்றாக சேர்ந்து நன்றாக வெந்தவுடன் அடுப்பை சிம்மில் வைத்து சிறிது நேரத்தில் அணைக்கவும்.

சுவையான ரவை சேமியா கிச்சடி ரெடி.

பாதாம், பொட்டுக்கடலை லட்டு

தேவையானவை:
பாதாம் பருப்பு 1 கப்
வால்நட்  1/2 கப்
பொட்டுக்கடலை 1 கப்
பொடித்தவெல்லம் 1 கப்
ஏலக்காய் தூள் 1 தேக்கரண்டி
நெய் 1/4 கப்
-------

செய்முறை:

பாதாம் பருப்பை ஒரு மணி நேரம் தண்ணீரில் ஊறவைத்து வடிகட்டி Microwave "H'  ல் ஒரு நிமிடம் வைத்து எடுக்க தோலை எளிதில் எடுத்து விடலாம்.
பின் உரித்த பாதாம் பருப்பை மீண்டும் Microwave "H' ல் 5 நிமிடம் வைக்கவேண்டும். (இரண்டு நிமிடம் வைத்து எடுத்து ஒரு கிளறு கிளறி மீண்டும் 2 நிமிடம் பின்னர் கடைசியில் ஒர் நிமிடம் வைத்து
எடுக்க வேண்டும்.)வறுத்தது போல் ஆகிவிடும். வறுத்த பாதாம் பருப்பை மிக்சியில் பொடித்துக் கொள்ளவேண்டும்.
வால்நட்,பொட்டுக்கடலை இரண்டையும் தனித்தனியே வறுத்து பொடி செய்து கொள்ளவேண்டும்.

ஒரு அகண்ட பாத்திரத்தை எடுத்துக்கொண்டு அதில் பொடி பண்ணிய பாதம்,வால்நட்,பொட்டுக்கடலை,பொடித்த வெல்லம் ஏலத்தூள், சேர்த்து நன்றாக கிளறி நெய்யை உருக்கி ஊற்றி லட்டுகளாக பிடிக்கவேண்டும்.

வரகு ( Kodo Millet) எலுமிச்சை சாதம்

தேவையானவை
 வரகு அரிசி 2 கப்
எலுமிச்சம்பழம் 2
மஞ்சள் பொடி 1 டீஸ்பூன்
நல்லெண்ணைய் 1 டேபிள்ஸ்பூன்

பொடிபண்ண:
வெந்தயம் 1 டீஸ்பூன்
மிளகாய் வற்றல் 3
உப்பு தேவையானது

தாளிக்க:

கடுகு 1 டீஸ்பூன்
உளுத்தம்பருப்பு 1 டீஸ்பூன்
மிளகாய் வற்றல் 2 (நாலாக கிள்ளிக்கொள்ளவும்)
நிலக்கடலை 10
முந்திரிபருப்பு 5
பெருங்காயத்தூள் 1 டீஸ்பூன்
கறிவேப்பிலை 1 கொத்து'

செய்முறை:

ஒரு கப் வரகு அரிசிக்கு இரண்டு கப் தண்ணீர் வீதம் குக்கரில் வைத்து 3 விசில் வந்ததும் அடுப்பை அணைக்கவேண்டும்.


 குக்கரில் இருந்து எடுத்த வரகு .சாதத்தை ஒரு அகண்ட தட்டில் கொட்டி அதன் மீது மஞ்சள்தூள்,நல்லெண்ணைய் கலந்து ஆறவைக்கவும்.

.வாணலியில் எண்ணைய் விடாமல் வெந்தயத்தை வறுக்கவேண்டும்.
சிறிது எண்ணைய் விட்டு மிளகாய் வற்றலை வறுக்கவேண்டும்.
உப்பு வறுக்கவேண்டாம்.
மூன்றையும் பொடி பண்ணி சாதத்தில் தூவவேண்டும்.
.கடைசியாக தாளிக்கவேண்டியவைகளை தாளித்து அதையும் சாதத்தில் கலந்து
எலுமிச்சம்பழம் பிழிய வேண்டும்.
எல்லாவற்றையும் நன்றாக கலந்து எடுத்து வைக்கவேண்டும்.
வரகு அரிசி எலுமிச்சை சாதம் மிகவும் சுவையுடன் இருக்கும்.

உருளைக்கிழங்கு ..பாதாம் ரோஸ்ட்

தேவையானவை:

சின்ன உருளைக்கிழங்கு 20
பாதாம்பருப்பு 20
வெங்காயம் 2
பூண்டு 4 பல்
தக்காளி 2
பச்சைமிளகாய் 2
மஞ்சள்தூள் 1 தேக்கரண்டி
பெருங்காயத்தூள் 1/2 தேக்கரண்டி
இஞ்சிபூண்டு விழுது 1 தேக்கரண்டி
கரம் மசாலா 1 தேக்கரண்டி
கொத்தமல்லித்தழை சிறிதளவு
உப்பு,எண்ணெய் தேவையானது
--------
தாளிக்க:
கடுகு 1 தேக்கரண்டி
உளுத்தம்பருப்பு 1 தேக்கரண்டி
கறிவேப்பிலை ஒரு கொத்து
----------------
செய்முறை:

பாதாம் பருப்பை நான்கு மணிநேரம் தண்ணீரில் ஊறவைக்கவேண்டும்.
ஊறவைத்த பாதாம் பருப்பு,உருளைக்கிழங்கு,சிறிது உப்பு, தண்ணீர், சேர்த்து குக்கரில் வைத்து ஒரு விசில் வந்தவுடன் அடுப்பை அணைக்கவேண்டும்.
வெங்காயம்,தக்காளி,பூண்டு,பச்சைமிளகாய் எல்லாவற்றையும் பொடியாக நறுக்கிகொள்ளவேண்டும்.

அடுப்பில் கடாயை வைத்து எண்ணெயில் தாளிக்க வேண்டியவைகளை தாளிக்கவேண்டும்.
அதனுடன் பொடியாக நறுக்கிய வெங்காயம்,தக்காளி,பச்சைமிளகாய்,பூண்டு சேர்த்து வதக்கவண்டும்.
மஞ்சள் தூள்,பெருங்காயத்தூள்,இஞ்சிபூண்டு விழுது,கரம் மசாலா,தேவையான உப்பு சேர்த்து கிளறவேண்டும்.
குக்கரிலிருந்து எடுத்த உருளைக்கிழங்கை தோலுரித்து இதனுடன் சேர்த்து கிளறவேண்டும்.
பாதாம்பருப்பையும் கலந்து பொடியாக நறுக்கிய கொத்தமல்லிதழையை தூவி இறக்கவேண்டும்.

இது குழந்தைகளை மட்டுமல்ல பெரியவர்களையும் கவரும் ருசியுடன் இருக்கும்.