Sunday, July 20, 2008

அவியல்

தேவையானவை:
உருளைக்கிழங்கு 2
பீன்ஸ் 10
பூசணித்துண்டு 1
முருங்கை 1
வாழைக்காய் 1 (சிறியது)
சேனைக்கிழங்கு ஒரு துண்டு
கேரட் 1 (சிறியது)
தேங்காய் எண்ணைய் 2 டேபிள்ஸ்பூன்
தயிர் 2 கப்
கருவேப்பிலை ஒரு கொத்து
உப்பு தேவைக்கு

அரைத்துக்கொள்ள:

தேங்காய்துருவல் 1 கப்
சீரகம் 1 டேபிள்ஸ்பூன்
பச்சைமிளகாய் 5

செய்முறை:

காய்கறிகளை நன்கு கழுவி சற்று மெல்லியதாக நீளவாக்கில் நறுக்கவும்.
குக்கரில் ஒரு பாத்திரத்தில் நறுக்கிய காய்கறிகளை கொஞ்சம் தண்ணிர்,உப்பு
சேர்த்து இரண்டு விசில் வைத்து இறக்கவும்.
குக்கர் திறந்தவுடன் காய்கறிகளை தண்ணீர் இல்லாமல் வடிகட்டி
ஒரு அகண்ட பாத்திரத்தில் வைக்கவும்.
அரைக்க கொடுத்துள்ள பொருட்களை சற்று கரகரப்பாக அரைத்து
காய்கறிக்கலவையில் சேர்க்கவும்.
அத்துடன் இரண்டு கப் தயிர்,தேங்காயெண்ணைய் இரண்டையும்
கருவேப்பிலை கொத்தில் ஊற்றவும்.கொதிக்கவைக்கவேண்டாம்

No comments:

36 எரிசேரி

 தேவையானவை: சேனைக்கிழங்கு  1 கப் நறுக்கிய  துண்டுகள் மஞ்சள் தூள் 1 டீஸ்பூன் மிளகு தூள் 1 டீஸ்பூன் உப்பு,எண்ணெய் தேவையானது ———- அரைக்க: மிளகா...