Friday, July 25, 2008

கொள்ளு தால்

தேவையானவை:

கொள்ளு 1/2 கப்
சின்ன வெங்காயம் 5
பச்சைமிளகாய் 1
தக்காளி 1
மிளகாய் தூள் 1/2 டீஸ்பூன்
தனியா தூள் 1/2 டீஸ்பூன்
மஞ்சள் தூள் 1/2 டீஸ்பூன்
புளித்தண்ணீர் 1/2 கப்
இஞ்சி பூண்டு விழுது 1 டீஸ்பூன்
உப்பு தேவையானது

தாளிக்க:
கடுகு,சீரகம்,கறிவேப்பிலை,எண்ணைய்

செய்முறை:

கொள்ளை முதல் நாள் இரவே ஊறவைக்கவும்.
மறுநாள் குக்கரில் இரண்டு கப் தண்ணீர் வைத்து 5 அல்லது
6 விசில் வரும்வரை வேகவிடவும்.

ஒரு வாணலியை எடுத்து சிறிது எண்ணய் விட்டு
பொடியாக நறுக்கிய வெங்காயம்,பச்சைமிளகாய்,தக்காளி
ஆகியவற்றை போட்டு வதக்கவும்.
பின்னர் மிளகாய் தூள்,தனியாதூள்,மஞ்சள் தூள்,
இஞ்சிபூண்டு விழுது ஆகியவற்றை சேர்க்கவும்.
எல்லாவற்றையும் நன்றாக வதக்கி புளித்தண்ணீர்,உப்பு,
வெந்த பருப்பு மூன்றையும் சேர்க்கவும்.
நன்றாக கொதி வந்ததும் கடுகு,சீரகம்,கறிவேப்பிலை
தாளித்து இறக்கவும்

No comments:

36 எரிசேரி

 தேவையானவை: சேனைக்கிழங்கு  1 கப் நறுக்கிய  துண்டுகள் மஞ்சள் தூள் 1 டீஸ்பூன் மிளகு தூள் 1 டீஸ்பூன் உப்பு,எண்ணெய் தேவையானது ———- அரைக்க: மிளகா...