Wednesday, January 28, 2009

தானிய லட்டு

தேவையானவை:

புழுங்கலரிசி 2 கப்
கோதுமை மாவு 1 கப்
சோயா மாவு 2 டேபிள்ஸ்பூன்
கேழ்வரகு மாவு 1/2 கப்
வேர்கடலை 1 கப்
நெய் 1/4 கப்
முந்திரி 10
ஏலப்பொடி 1 டீஸ்பூன்
வெல்லம் 3 கப் (பொடித்தது)

செய்முறை:

ஒரு வாணலியை எடுத்துக்கொண்டு புழுங்கலரிசியை சிவக்க வறுத்து மிக்சியில் மாவாக அரைத்துக்கொள்ளவும்.
சோயா,கோதுமை,கேழ்வரகு மாவுகளை தனித்தனியே வறுத்துக்கொள்ளவும்.
வேர்க்கடலையை வறுத்து தோலை நீக்கி பொடியாக அரைத்துக்கொள்ளவும்.

ஒரு அகண்ட பாத்திரத்தை எடுத்துக்கொண்டு அதில் எல்லா மாவுகளையும் போட்டு நன்றாக கலக்கவும்.
முந்திரியை துண்டுகளாக்கி நெய்யில் வறுத்து சேர்க்கவும்.ஏலப்பொடி சேர்த்து நெய்யை உருக்கி சேர்த்து கலக்கவும்.

வெல்லத்தை நீர் விட்டு கரைத்து வடிகட்டி இளம் பாகானதும் (வெல்லம் நன்றாக கரைந்து சிறிது நேரம் கழித்து)
கலந்துவைத்துள்ள மாவில் கொட்டி கிளறி எடுத்து உருண்டைகளாக செய்கொள்ளவும்.
இந்த லட்டு புரோட்டின்,இரும்புசத்து ஆகிய சத்துக்கள் நிறைந்தது.

No comments: