Monday, November 30, 2015

கார்ன் சாட்



தேவையானவை:

பேபி கார்ன் 5
வெங்காயம் 1
தக்காளி 2
பச்சைமிளகாய் 2
துருவிய காரட் 1/4 கப்
எலுமிச்சம்பழம் 1
கொத்தமல்லித்தழை 1/4 கப்
மிளகுத்தூள் 1 தேக்கரண்டி
உப்பு சிறிதளவு
சர்க்கரை 1 தேக்கரண்டி
-------
செய்முறை:

பேபி கார்ன் ஐ Microwave 'H" ல் 5 நிமிடம் வைக்கவும்.பின்ன்னர் சிறு சிறு துண்டுகளாக நறுக்கவும்.
வெங்காயம், தக்காளி இரண்டையும் பொடியாக நறுக்கிக்கொள்ளவும்.

ஒரு அகண்ட பாத்திரத்தை எடுத்துக்கொண்டு அதில் பேபி கார்ன் துண்டுகள்பொடியாக நறுக்கிய வெங்காயம்,தக்காளி, பச்சைமிளகாய், துருவிய காரட், பொடியாக அரிந்த கொத்தமல்லித்தழை,மிளகுத்தூள்
தேவையான உப்பு சேர்த்து நன்றாக கலக்கவும்.
அரைமணி நேரம் ஊறிய பின் சர்க்கரை சேர்த்து எலுமிச்சம்பழம் பிழியவும்.

Wednesday, November 25, 2015

அகலா அகல் விளக்குகள்










இன்றும்

கண்களை விட்டு

அகலா விளக்குகள்....

கண்கள்

அகலாய் அகல

அலகிலா விளையாட்டுடையார்

அருள் வேண்டி

அன்னை

வரிசையாய் வைத்த

அகல் விளக்குகள்



Monday, November 23, 2015

அப்பம்



தேவையானவை:

பச்சைசி மாவு 2 கப்
தேங்காய் 1/2 கப் (துண்டுகள்)
பொடித்த வெல்லம் 3/4 கப்
ஏலக்காய் 5
மஞ்சள் வாழைப்பழம் 1
எண்ணெய் தேவையானது
---------

செய்முறை:

ஏலக்காயை தூளாக்கிக்கொள்ளவும்.
தேங்காயை சிறு சிறு துண்டுகளாக நறுக்கவும்.
வாழைப்பழத்தை மிக்சியில் போட்டு அடித்துக்கொள்ளவும்.
ஒரு அகண்ட பாத்திரத்தில் பச்சரிசி மாவையும் பொடித்த ஏலக்காயையும் சேர்த்து நன்கு கலக்கவும்.
தூள் செய்த வெல்லத்துடன் சிறிது தண்ணீர் சேர்த்து அடுப்பில் வைத்து வெல்லம் கரையும் வரை கிளறி இறக்கவும்.

ஒரு பாத்திரத்தை எடுத்துக்கொண்டு அதில் கலந்து வைத்த அரிசி மாவு,கய்ச்சிய வெல்லம்,வாழைப்பழ விழுது தேங்காய் துண்டுகள் எல்லாவற்றையும் சேர்த்து இட்லி மாவு பதம் வரும் வரை கிளறவும்.
குழிப்பணியாரக்கல்லை அடுப்பில் வைத்து ஒவ்வொரு குழியிலும் எண்ணெய் ஊற்றி மாவை ஒவ்வொரு குழியிலும் ஊற்றவும்.இரண்டு பக்கமும் பொன்னிறமாக வந்ததும் எடுக்கவும்.

Tuesday, November 17, 2015

வெஜ் கம்புமாவு ஊத்தப்பம்



தேவையானவை

 கம்பு மாவு -1கப்
இட்லிமாவு -1/4கப்
சின்னவெங்காயம் -5
கேரட்துருவல் -1/4கப்
பச்சைமிளகாய் -1
இஞ்சி -சிறுதுண்டு
கறிவேப்பிலை -சிறிது
உப்பு -தேவையான அளவு
எண்ணெய் தேவையானது
----------

செய்முறை

வெங்காயம்,மிளகாய்,கறிவேப்பிலை,இஞ்சி ஆகியவற்றை பொடியாக நறுக்கிக்கொள்ளவும்..
ஒரு பாத்திரத்தில் ராகிமாவு,இட்லிமாவு,சிறிது உப்பு போட்டு தேவையான தண்ணீர் சேர்த்து இட்லிமாவு பதம் கரைத்துக்கொள்ளவும்..
அத்துடன் நறுக்கியவற்றை போட்டு கேரட்துருவலையும் போட்டு நன்கு கலக்கவும்.

 தோசைக்கல்லை அடுப்பில்வைத்து காய்ந்தவுடன் ஒருகரண்டி மாவு ஊற்றி  1ஸ்பூன் எண்ணை சுற்றி ஊற்றவும்.
மூடிவைத்து வேகவிடவும்.அடுப்பை சிம்மில்வைக்கவும்.
சிறிது வெந்தவுடன் திருப்பிபோட்டு இருபக்கமும் வெந்தவுடன் எடுக்கவும்.
சுவையான வெஜ் கம்புமாவு ஊத்தப்பம் ரெடி..


Saturday, November 7, 2015

முந்திரி கேக்





தேவையானவை:

முந்திரிப் பருப்பு -  2 கப்
சர்க்கரை -  2 கப்
ஏலக்காய் தூள் - 1 ஸ்பூன்

நெய் - 50 கிராம்

செய்முறை:


முந்திரிப் பருப்பை வாணலியில் நெய் விட்டு, நன்கு பொன்னிறமாக வறுத்துக் கொள்ளவும். சற்று ஆறியதும் மிக்ஸியில் சிறிது கரகரப்பாக அரைத்து கொள்ளவும்
 அடுப்பில் வாணலியை வைத்து சர்க்கரை, ஒரு கப் தண்ணீர் சேர்த்து ஒரு கம்பி பதத்திற்கு பாகு காய்ச்சவும்.
பதம் சரியாக வந்தவுடன் அரைத்த முந்திரியை சிறிது சிறிதாக கொட்டி கிளற வேண்டும்.  சிறிது  நெய் சேர்த்து கை விடாமல் கிளறி கொண்டே இருக்க வேண்டும்.·   கெட்டியாக இருக்கும் பொழுது எடுத்து, நெய் தடவிய தட்டில் கொட்டி  ஆறியதும் வில்லைகளாக  போடவும்.

Monday, November 2, 2015

முடக்கத்தான் கீரை துவையல்





தேவையானவை:                        

முடக்கத்தான் கீரை  

முடக்கத்தான் கீரை 1 கப் (அரிந்து நறுக்கியது)
வெங்காயம் 1
தேங்காய் துருவல் 1/2 கப்
மிளகாய்  வற்றல் 3
உளுத்தம்பருப்பு 1 மேசைக்கரண்டி
பெருங்காயம் 1 துண்டு
புளி சிறிதளவு
உப்பு,எண்ணெய் தேவையானது
-------------------
செய்முறை:
முடக்கத்தான் கீரையை நன்றாக அலசிவிட்டு சிறிது எண்ணெய்யில் வதக்கிக்கொள்ளவும்.
வெங்காயதை பொடியாக நறுக்கி எண்ணெய்யில் பொன்னிறமாக வதக்கிக்கொள்ளவும்.
மிளகாய்வற்றல்,பெருங்காயம்,உளுத்தம்பருப்பு,புளி நான்கினையும் சிறிது எண்ணெய்யில் வறுத்துக்கொள்ளவும்.
-----
வதக்கிய முடக்கத்தான் கீரை,வெங்காயம் வறுத்த தேங்காய் துருவல் ,வறுத்த மிளகாய் வற்றல்,பெருங்காயம்,உளுத்தம்பருப்பு எல்லாவற்றையும் தேவையான் உப்புடன்சேர்த்து அரைக்கவும்.
-------
முடக்கத்தான் கீரை மூட்டு வலிக்கு சிறந்த மருந்து