Monday, September 28, 2015

மாலை நேர மினி போண்டா



தேவையானவை:
 மைதா 1 கப்
அரிசிமாவு 1 மேசைக்கரண்டி
தயிர் 1/2 கப்
-----
மிளகு 1 மேசைக்கரண்டி
இஞ்சி 1 துண்டு
தேங்காய் சிறிய துண்டுகளாக 10
பெருங்காயத் தூள் 1 தேக்கரண்டி
கறிவேப்பிலை சிறிதளவு
கொத்தமல்லித்தழை சிறிதளவு
உப்பு,எண்ணெய் தேவையானது
-----
செய்முறை:





ஒரு அகண்ட பாத்திரத்தை எடுத்துக்கொண்டு அதில் மைதா மாவு,அரிசிமாவு, தயிர். மிளகு,பொடியாக நறுக்கிய இஞ்சி,தேங்காய் துண்டுகள்,பெருங்கயத்தூள்,கறிவேப்பிலை,பொடியாக நறுக்கிய கொத்தமல்லித்தழை தேவையான உப்பு எல்லாவற்றையும் சேர்த்து நன்றாக கலக்கவும்.அரை மணிநேரம் ஊறவைக்கவும்.

வாணலியில் தேவையான எண்ணெய் வைத்து பிசைந்த மாவை உருண்டைகளாக போட்டு எடுக்கவும்.
இந்த போண்டாவை தக்காளி சட்னியுடன் சாப்பிட ருசியாக இருக்கும்

Monday, September 21, 2015

வேப்பிலைக் கட்டி

எலுமிச்ச இலை


நார்த்த இலை



தேவையானவை:

நார்த்த இலை 1 கப்
எலுமிச்சை இலை 1 கப்
கறிவேப்பிலை 1/2 கப்
மிளகாய் வற்றல் 10
ஓமம் 1 டேபிள்ஸ்பூன்
பெருங்காயம் சிறிது
உப்பு தேவையானது

செய்முறை:


எலுமிச்ச இலையையும் நார்த்த இலையையும் நன்றாகக் கழுவி துடைத்து நிழலில் உலர்த்தி எடுக்கவேண்டும்.(இலைகளை microwave oven ல் ஒரு microwave plate ல் பரப்பி 10 sec. வைத்தாலும் போதும்)

வெறும் கடாயில் இலைகளை எண்ணைய் விடாமல் வறுக்கவேண்டும்.பிறகு மிளகாய் வற்றல்,ஓமம்,பெருங்காயம் மூன்றையும் எண்ணைய் விட்டு வறுக்கவேண்டும்.

இலைகள் தவிர மற்றவற்றை உப்புடன் சேர்த்து மிக்ஸியில் பொடி செய்து கடைசியில் இலைகளையும் சேர்த்து அரைக்கவேண்டும்.

வெய்யிலுக்கு தயிர் சாதத்துடன் சேர்த்து சாப்பிட ஏற்றது.

Tuesday, September 15, 2015

சுண்டைக்காய் துவையல்





தேவையானவை:

சுண்டைக்காய் 1 கப்
வெங்காயம் 2
உளுத்தம்பருப்பு 1 மேசைக்கரண்டி
கடலைப்பருப்பு 1 மேசைக்கரண்டி
மிளகாய் வற்றல் 3
பெருங்காயம் 1 துண்டு
புளி சிறிதளவு
எண்ணெய்,உப்பு தேவையானது
------
செய்முறை:


சுண்டைக்காயின் காம்பை எடுத்துவிட்டு எண்ணெயில் தனியாக  நன்றாக வதக்கவும்
வெங்காயத்தை துண்டுகளாக நறுக்கி எண்ணெயில் பொன்னிறமாக வதக்கவும்.
உளுத்தம்பருப்பு,கடலைப்பருப்பு, மிளகாய் வற்றல்,பெருங்காயம்,புளி எல்லாவற்றையும் சிறிது எண்ணெயில் நன்றாக வறுக்கவும்.
எல்லாவற்றையும் உப்புடன் சேர்த்து அரைக்கவும்.
கடைசியில் கடுகு,உளுத்தம்பருப்பு,கறிவேப்பிலை தாளித்துக்கொட்டவும்.
சுவையான சுண்டைக்காய் துவையல் ரெடி.

இந்த துவையலை சாதத்தோடு நல்லெண்ணய் சேர்த்து சாப்பிட அருமையாக இருக்கும்.

சுண்டைக்காயை அடிக்கடி உணவில் சேர்த்துக்கொண்டால் நீரிழிவு கட்டுக்குள் இருக்கும்.

Monday, September 7, 2015

வாழைத்தண்டு..மாதுளை...சாலட்



தேவையானவை:
வாழைத்தண்டு 1 கப் (பொடியாக நறுக்கியது)
மாதுளம் முத்துகள் 1 கப்
 சிவப்பு திராட்சை 5
மிளகுத் தூள் 1 தேக்கரண்டி
எலுமிச்சம்பழம் 1
உப்பு சிறிதளவு
-----
செய்முறை:

பொடியாக நறுக்கிய வாழைத்தண்டை வேகவைத்துக்கொள்ள வேண்டும்.
ஒரு அகண்ட பாத்திரத்தை எடுத்துக்கொண்டு அதில் வேகவைத்த வாழைத்தண்டு துண்டுகள்,மாதுளம் முத்துகள், சிவப்பு திராட்சை,மிளகு தூள்,சிறிதளவு உப்பு எல்லாவற்றையும் சேர்த்து நன்கு  கலக்க வேண்டும். கடைசியில் எலுமிச்சை சாற்றினை பிழியவேண்டும்.

காலை உணவாக இதை சாப்பிடலாம்.உடலில் சர்க்கரையின் அளவையும் சீராக்கும்.

Tuesday, September 1, 2015

கார்ன் மஞ்சூரியன்



தேவையானவை:

பேபி கார்ன்  10
Spring onion   1/2 கப் (பொடியாக நறுக்கியது)
பச்சைமிளகாய் 2
Soy    sauce 1  தேக்கரண்டி
மிளகாய் தூள் 1 தேக்கரண்டி
இஞ்சி பூண்டு விழுது2 தேக்கரண்டி
மிளகு தூள் 1 மேசைக்கரண்டி
கார்ன் மாவு 1 மேசைக்கரண்டி
மைதா மாவு 1 மேசைக்கரண்டி
உப்பு எண்னெய் தேவையானது
--------

செய்முறை:


பேபி கார்ன் ஐ அப்படியே Microwave H ல் சிறிது தண்ணீர் தெளித்து வைக்கவும்.
வெளியே எடுத்து  துண்டுகளாக நறுக்கவும்.

இஞ்சிபூண்டு விழுது 1 தேக்கரண்டி,மிளகு தூள்,கார்ன் மாவு,மைதாமாவு,மிளகாய் தூள் எல்லாவற்றையும் சிறிது உப்புடனும் தண்ணீர் சேர்த்து பிசைந்து கொள்ளவும்.
அதில் நறுக்கிவைத்துள்ள கார்ன் துண்டுகளை பிரட்டி எண்ணையில் பொரித்து எடுக்கவும்.

வாணலியில் எண்ணெய் வைத்து spring onion, பச்சைமிளகாய்,இஞ்சி பூண்டு விழுது (1 தேக்கரண்டி) வ்தக்கி அதில்
 அதில் பொரித்த கார்ன் துண்டுகளை சேர்த்து அதனுடன் soy sauce சேர்க்கவும்.தேவையான் உப்பு சேர்த்து நன்கு கிளறவும்.