பேபிகார்ன் மசாலா

தேவையானவை:

பேபி கார்ன் 10
வெங்காயம் 1
தக்காளி 2
உருளைக்கிழங்கு 1
முட்டைக்கோஸ் 1/2 கப் (நறுக்கியது)
பீன்ஸ் 1/2 கப் (நறுக்கியது
காரட் 2
குடமிளகாய் 1
----
மஞ்சள்தூள் 1/2 டீஸ்பூன்
தனியாதூள் 1 டீஸ்பூன்
காரப்பொடி 1 டீஸ்பூன்
இஞ்சிபூண்டு விழுது 1 டீஸ்பூன்
வேர்கடலை பொடி 1 டேபீள்ஸ்பூன்
எலுமிச்சம்பழம் 1
-----
தாளிக்க:
கடுகு 1/2 டீஸ்பூன்
உளுத்தம்பருப்பு 1 டீஸ்பூன்
பச்சைமிளகாய் 2
பட்டை 1 துண்டு
கிராம்பு 4
சோம்பு 1 டீஸ்பூன்
----
செய்முறை:

பேபிகார்னை பொடியாக நறுக்கிக்கொள்ளவும்.
வெங்காயம்,தக்காளி,உருளைக்கிழங்கு,காரட்,குடமிளகாய் எல்லாவற்றையும் பொடியாக நறுக்கிக்கொள்ளவும்.

கடாயில் எண்ணைய் வைத்து தாளிக்கக் கொடுத்துள்ளவைகளை தாளித்து வெங்காயத்தை பொன்னிறமாக வதக்கவும்.பிறகு சிறிது மஞ்சள்தூள் சேர்த்து நறுக்கிய பேபிகார்னை வதக்கவும்.
பேபிகார்ன் சிறிது வெந்ததும் நறுக்கிய தக்காளி,உருளைக்கிழங்கு,முட்டைக்கோஸ்,பீன்ஸ்,காரட்,குடமிளகாய் எல்லாவற்றையும் சேர்த்து வதக்கவும்.
உப்பு சேர்த்து அதனுடன் தனியாதூள்,காரப்பொடி,இஞ்சி பூண்டு விழுது,சிறிது தண்ணீர் சேர்த்து கொதிக்கவிடவும்.
இறக்கியபின் வேர்க்கடலை பொடியை தூவவும்.
கொஞ்சம் ஆறிய பிறகு எலுமிச்சம்பழம் பிழியலாம்.
பேபிகார்ன் மசாலா சப்பாத்தி,பூரிக்கு சிறந்த sidedish.