அரைக்கீரை...காராமணி மசியல்

தேவையானவை:     அரைக்கீரை. 

அரைக்கீரை 1 கட்டு

பயத்தம்பருப்பு 1/2 கப்

காராமணி 1/4 கப்

பச்சைமிளகாய் 2

------

அரைக்க:

தேங்காய் துருவல் 1/4 கப்

சீரகம் 1 டீஸ்பூன்

மிளகு 10

-----

பொடி பண்ண:

வெந்தயம் 1 டீஸ்பூன்

பெருங்காயம் 1 துண்டு

-----

தாளிக்க:

கடுகு 1 டீஸ்பூன்

உளுத்தம்பருப்பு 1 டீஸ்பூன்

கறிவேப்பிலை ஒரு கொத்து

------

கொத்தமல்லித்தழை சிறிதளவு

செய்முறை:

அரைக்கக் கொடுத்துளவைகளை நன்றாக விழுது போல அரைத்துக்கொள்ளவும்.

வெந்தயம் பெருங்காயம் இரண்டையும் எண்ணையில் வறுத்து பொடி பண்ணிகொள்ளவும்.

அரைக்கீரையை நன்கு ஆய்ந்து பொடியாக நறுக்கிக்கொள்ளவும்.

குக்கருக்குள் வைக்கும் ஒரு பாத்திரத்தை எடுத்துக்கொண்டு அதில் முதலில் பயத்தம்பருப்பு,காராமணி இரண்டையும் சிறிது தண்ணீருடன் வைத்து அதன் மேல் பொடியாக நறுக்கிய அரைக்கீரையை தேவையான உப்புடன் சேர்த்து குக்கருக்குள் வைத்து மூன்று விசில் வந்ததும் இறக்கவும்.

-----

கடாயில் எண்ணைய் வைத்து தாளிக்க வேண்டியவைகளை தாளித்து குக்கரில் இருந்து எடுத்த கீரை,காராமணிக் கலவையை சேர்க்கவேண்டும்.

அதனுடன் அரைத்த விழுதையும்,வெந்தய பெருங்காயப்பொடியையும் சேர்த்து கிளறவேண்டும்.

எல்லாம் சேர்ந்து நன்கு கொதித்தவுடன் இறக்கவும்.

கடைசியில் கொத்துமல்லித்தழையால் அலங்கரிக்கவும்.