Sunday, December 18, 2011

வடைகள்......பலவிதம்

                    மசால் வடை


1.உளுந்து வடை
தேவையானவை:
உளுத்தம்பருப்பு 1 கப்
இஞ்சி  1 துண்டு
பச்சைமிளகாய் 2
மிளகு 1 தேக்கரண்டி
சீரகம் 1/2 தேக்கரண்டி
பெருங்காயத்தூள் 1/2  தேக்கரண்டி
கறிவேப்பிலை ஒரு கொத்து
உப்பு,எண்ணய் தேவையானது
-----
செய்முறை:
உளுத்தம்பருப்பை அரை மணி நேரம் தண்ணீரில் ஊறவைத்து வடிகட்டி நைசாக அரைக்கவும்.இத்துடன் மிளகு,சீரகம் இரண்டையும் பொடித்து போடவும்.இஞ்சி,பச்சைமிளகாய் இரண்டையும் பொடியாக நறுக்கிப் போடவும்.தேவையான உப்பு,பெருங்காயத்தூள்,கறிவேப்பிலை சேர்த்து எல்லாவற்றையும் நன்கு கலக்கவும்.
வாணலியில் எண்ணைய் வைத்து காய்ந்ததும் மாவை வடை மாதிரி தட்டி நடுவில் ஓட்டையிட்டு எண்ணையில் போட்டு இருபுறமும் நன்றாக வெந்ததும் எடுக்கவும்.
-------------------------------------------
2. தயிர் வடை

தேவையானவை:
உளுந்து வடை 10
கெட்டி தயிர் 2 கப்
பச்சைமிளகாய் 4
சின்னவெங்காயம் 6
இஞ்சி 1 துண்டு
கடுகு 1 தேக்கரண்டி
கறிவேப்பிலை  சிறிதளவு
கொத்தமல்லித்தழை   சிறிதளவு
உப்பு,எண்ணைய் தேவையானது
----
செய்முறை:
தயிரை உப்பு சேர்த்து கடைந்து கொள்ளவும்.
வாணலியில் எண்ணைய் வைத்து கடுகு தாளித்து பொடியாக நறுக்கிய பச்சைமிளகாய்,வெங்காயம்,இஞ்சி மூன்றையும் வதக்கி தயிரில் சேர்க்கவும்.
பின்னர் ரெடியாக உள்ள உளுந்து வடைகளை சேர்த்து ஊறவைக்கவும்.
-------------------------------------------
3.அரிசி துவரம் வடை

தேவையானவை:
புழுங்கலரிசி 1 கப்
துவரம்பருப்பு 1/4 கப்
வெங்காயம் 1
தனியா 1 தேக்கரண்டி
மிளகாய் வற்றல் 2
இஞ்சி 1 துண்டு
கறிவேப்பிலை சிறிதளவு
கொத்தமல்லித்தழை சிறிதளவு
உப்பு,எண்ணைய்   தேவையானது
-------
செய்முறை:
அரிசி பருப்பு இரண்டையும் ஒரு மணி நேரம் தண்ணீரில் ஊறவைக்கவேண்டும்.
பின்னர் வடிகட்டி இதனுடன் தனியா,மிளகாய் வற்றல்,இஞ்சி தேவையான உப்புசேர்த்து ரவை பதத்துக்கு அரைத்து கடைசியில் வெங்காயத்தை சேர்த்து ஒரு சுற்று சுற்றி கறிவேப்பிலை,கொத்தமல்லித்தழை சேர்த்து வடை தட்ட வேண்டும்.
---------------------------------------------
4.ஆம வடை

தேவையானவை:
கடலைப்பருப்பு1 கப்
சோம்பு 1 தேக்கரண்டி
வெங்காயம் 1
பச்சைமிளகாய் 2
இஞ்சி 1 துண்டு
கறிவேப்பிலை சிறிதளவு
கொத்தமல்லித்தழை  சிறிதளவு
உப்பு,எண்ணெய் தேவையானது
------
செய்முறை:
கடலைப்பருப்பை இரண்டு மணி நேரம் தண்ணீரில் ஊறவைக்கவேண்டும்.பின்னர் வடிகட்டி அதனுடன் சோம்பு சேர்த்து கெட்டியாக தண்ணீர் தெளித்து அரைக்கவேண்டும்.
அரைத்த மாவில் பொடியாக நறுக்கிய வெங்காயம்,பச்சைமிளகாய்,இஞ்சி,கறிவேப்பிலை,கொத்தமல்லித்தழை எல்லாம் சேர்த்து வடை தட்டவேண்டும்.
-------------------------------------------------
5. மசால் வடை

தேவையானவை:
கடலைப்பருப்பு 1 கப்
உளுத்தம்பருப்பு 1 மேசைக்கரண்டி
பச்சரிசி 1 மேசைக்கரண்டி
சீரகம் அல்லது சோம்பு 1 தேக்கரண்டி
சின்ன வெங்காயம் 5
மிளகாய் வற்றல் 3
பெருங்காயம் 1 துண்டு
கறிவேப்பிலைசிறிதளவு
உப்பு,எண்ணெய் தேவையானது
-----------
செய்முறை:
கடலைப் பருப்பு,உளுத்தம்பருப்பு,பச்சரிசி மூன்றையும் ஒரு மணி நேரம் ஊறவைக்கவேண்டும்
வடிகட்டி இதனுடன் மிளகாய் வற்றல்.பெருங்காயம் சேர்த்து அரைக்கவேண்டும்.
அரைத்த மாவில் தேவையான உப்பு,நறுக்கிய வெங்காயம்,சோம்பு,கறிவேப்பிலை சேர்த்து நன்றாக கலந்து வடைகளாக தட்ட வேண்டும்.
--------------------------------------------------
6. தேங்காய் வடை

தேவையானவை:
புழுங்கலரிசி 1 கப்
தேங்காய் துருவல் 1/2 கப்
உளுத்தம்பருப்பு,கடலைபருப்பு,பாசிப்பருப்பு ஒவ்வொன்றும் 2 மேசைக்கரண்டிகள்
பச்சைமிளகாய்2
கறிவேப்பிலை சிறிதளவு
கொத்தமல்லித்தழை சிறிதளவு
உப்பு,எண்ணெய் தேவையானது
-------
செய்முறை:
அரிசி,உளுத்தம்பருப்பை தனியாக ஒரு மணி நேரம் தண்ணீரில் ஊறவைக்கவேண்டும்.
கடலை பருப்பு,பாசிப்பருப்பு இரண்டையும் தனியாக ஊறவைக்கவேண்டும்.
------
அரிசி,உளுத்தம்பருப்புடன் தேங்காய் துருவல்,பச்சைமிளகாய் உப்பு சேர்த்து சற்று கரகரப்பாக அரைத்துக்கொள்ளவேண்டும்.
அதனுடன் பாசிபருப்பு,கடலைபருப்பு இரண்டையும்சேர்த்து ஒரு சுற்று சுற்றவேண்டும்.
அரைத்த மாவில் கறிவேப்பிலை,கொத்தமல்லித்தழை சேர்த்து உளுந்து வடை மாதிரி நடுவில் ஓட்டையிட்டு எண்ணையில் போட்டு எடுக்கவேண்டும்.
------------------------------------------------------------
7. வாழைத்தண்டு வடை

தேவையானவை:
வாழைத்தண்டு 1
பச்சைமிளகாய்3
பொட்டுக்கடலை மாவு 1 மேசைக்கரண்டி
வெங்காயம் 1
கொத்தமல்லித்தழை சிறிதளவு
கறிவேப்பிலை சிறிதளவு
உப்பு,எண்ணெய் தேவையானது
----------
செய்முறை:
வாழைத்தண்டை பொடியாக நறுக்கி மஞ்சள்தூள் சேர்த்து குக்கரில் வைத்து 2 விசில் வந்ததும் இறக்கவேண்டும்.
ஆறினவுடன் மிக்சியில் கரகரவென்று அரைக்கவும்.
அதனுடன் நறுக்கிய பச்சைமிளகாய்,வெங்காயம் பொட்டுக்கடலை மாவு,,கொத்தமல்லித்தழை,கறிவேப்பிலை,உப்பு சேர்த்து நன்றாக பிசறி சிறு சிறு வடைகளாக தட்டி எண்ணெயில் போட்டு எடுக்கவேண்டும்..
----------------------------------------
8. பொட்டுக்கடலை வடை

தேவையானவை:
பொட்டுக்கடலை 1 கப்
நிலக்கடலை 1/2 கப்
மிளகுத்தூள் 1 தேக்கரண்டி
கறிவேப்பிலை சிறிதளவு
கொத்தமல்லித்தழை சிறிதளவு
உப்பு,எண்ணெய் தேவையானது
------
செய்முறை:
பொட்டுக்கடலையையும்,நிலக்கடலையையும் லேசாக வறுத்து கரகரவென்று பொடித்துக்கொள்ளவும்.
அதில் மிளகுத்தூள்,உப்பு,கறிவேப்பிலை,கொத்தமல்லித்தழை சிறிது தண்ணீர் தெளித்து பிசைந்து வடைகளாக தட்டவும்.
---------------------------------------------
9.முட்டைக்கோஸ் வடை

தேவையானவை:
துருவிய முட்டைக்கோஸ் 2 கப்
பயத்தம்பருப்பு 1 கப்
கடலைப்பருப்பு 1/2 கப்
வெங்காயம் 1
சீரகம் 1தேக்கரண்டி
பச்சைமிளகாய் 2
கறிவேப்பிலை சிறிதளவு
கொத்தமல்லித்தழை சிறிதளவு
உப்பு,எண்ணெய் தேவையானது
--------
செய்முறை:
பயத்தம்பருப்பையும் கடலைப்பருப்பையும் தனித்தனியாக ஊறவைக்கவேண்டும்.
பயத்தம்பருப்பை மிருதுவாகவும் கடலைபருப்பை கரகரவென்றும் அரைக்கவேண்டும்.
முட்டைக்கோஸுடன் சிறிது உப்பு சேர்த்து தண்ணீர் தெளித்து ஊறவைக்கவேண்டும்.
--------
ஒரு பாத்திரத்தில் அரைத்த இரண்டு மாவையும் சேர்த்து அதில் முட்டைக்கோஸை வடித்து சேர்த்து அதனுடன் பொடியாக நறுக்கிய் வெங்காயம்,பச்சைமிளகாய்,சீரகம்,கொத்தமல்லித்தழை,கறிவேப்பிலை,சிறிது உப்பு பிசைந்து (தண்ணீர் விட வேண்டாம்) வடைகளாக தட்டவும்.
முட்டைக்கோஸுக்கு பதிலாக எந்த வகைக் கீரையையும்  சேர்க்கலாம், கீரையை பொடியாக நறுக்கி சேர்த்தால் போதும்.
---------------------------------------------------
10.ஜவ்வரிசி வடை

தேவையானவை:
ஜவ்வரிசி 3/4 கப்
கடலைப்பருப்பு 1 கப்
உருளைக்கிழங்கு 2
வெங்காயம் 1
சோம்பு 1 தேக்கரண்டி
பச்சைமிளகாய் 2
கறிவேப்பிலை சிறிதளவு
உப்பு,எண்ணெய் தேவையானது
-------
செய்முறை:
ஜவ்வரிசியையும் கடலைப்பருப்பையும் தனித்தனியே  அரை மணி நேரம் ஊறவைக்கவேண்டும்.
உருளைக்கிழங்கை தோலுரித்து வேகவைத்து மசித்து வைக்கவேண்டும்.
கடலைப்பருப்பை வடிகட்டி அதனுடன் சோம்பு,உப்பு சேர்த்து அரைக்கவேண்டும்.
அரைத்த மாவில் மசித்த உருளைக்கிழங்கு,வடிகட்டிய ஜவ்வரிசி,நறுக்கிய வெங்காய்ம்,பச்சைமிளகாய்,கறிவேப்பிலை எல்லாம் நன்கு கலந்து வடைகளாக தட்டவேண்டும்

11 comments:

நண்டு @நொரண்டு -ஈரோடு said...

அருமை.
பகிர்வுக்கு நன்றி .
வாழ்த்துக்கள்.

Kanchana Radhakrishnan said...

நன்றி நண்டு @நொரண்டு.

ஹேமா said...

வடை வடை அப்பாடி....எத்தனை வடை.எல்லாம் எழுத்தில இருக்கு.சாப்பிடத்தான் முடியாது.அவ்ளோ விருப்பம் வடை.உழுந்து வடை மாதம் ஒருமுறையாவது சுட்டுச் சாப்பிடுவேன்.சௌவரிசி வடை புதுசாயிருக்கு !

Kanchana Radhakrishnan said...

நன்றி ஹேமா.

asiya omar said...

அருமை.பகிர்விற்கு நன்றிங்க..

S.Menaga said...

nice collection of vadai recipes!!

Kanchana Radhakrishnan said...

நன்றி asiya omar.

Kanchana Radhakrishnan said...

Thanks Menaga.

Vijiskitchencreations said...

alla vadai's are very delicious and yummy too.

Kanchana Radhakrishnan said...

Thanks Vijiskitchencreations.

சென்னை பித்தன் said...

இன்றைய வலைச்சரத்தில் உங்கள் பதிவு பற்றிப் பேசும் பாக்கியம் எனக்குக் கிடைத்தது.முடிந்தால் பாருங்கள்.