ரவா வடை

தேவையானவை:
ரவா      1 கப்
துருவிய தேங்காய் 1/2 கப்
சீரகம் 1 மேசைக்கரண்டி
பச்சைமிளகாய் 2
வற்றல் மிளகாய் 2
இஞ்சி 1 துண்டு
தயிர் 2 மேசைக்கரண்டி
வெங்காயம் 1
கறிவேப்பிலை சிறிதளவு
உப்பு,எண்ணெய் தேவையானது
----------
செய்முறை:

ரவாவில் சன்னரக ரவாவில் வடை செய்தால் ருசியாக இருக்கும்.

ஒரு அகண்ட பாத்திரத்தில் ரவாவுடன் தயிர்,உப்பு,சீரகம்,தேங்காய் துருவல் எல்லாவற்றையும் சேர்த்து பிசறிக்கொள்ளவேண்டும்.
தண்ணீர் வேண்டுமென்றால் தெளித்துக்கொள்ளவும்.
இத்துடன் பொடியாக நறுக்கிய வெங்காயம்,இஞ்சி,பச்சைமிளகாய் சேர்த்து வற்றல் மிளகாயை மிக்சியில் ஒரு சுற்று சுற்றி
கறிவேப்பிலையையும் சேர்த்து எல்லாவற்றையும் கலந்து கையில் அள்ளித் தட்டும் பதத்துக்கு பிசைந்து கொள்ளவேண்டும்.

கடாயில் எண்ணெய் வைத்து காய்ந்ததும் வடைகளை தட்டிப்போட்டு பொன்னிறமாக வந்ததும் எடுக்கவேண்டும்.

பிசைந்த மாவை நெடு நேரம் வைத்திருந்தால் மாவு புளித்து விடும். அதனால் பிசைந்த உடனே வடைகளை தட்டவேண்டும்.