வாழைக்காய் பொடிமாஸ்

தேவையானவை:

வாழைக்காய் (முற்றியது) 2
மஞ்சள் பொடி 1 டீஸ்பூன்
தேங்காய் துருவல் 2 டேபிள்ஸ்பூன்
இஞ்சி ஒரு பெரிய துண்டு
எலுமிச்சம் பழம் 1
உப்பு தேவைக்கேற்ப

தாளிக்க:
கடுகு,உளுத்தம்பருப்பு,சீரகம்,
பெருங்காயத்தூள்,கறிவேப்பிலை
எல்லாம் சிறிதளவு.

செய்முறை:

வாழைக்காயை இரண்டு துண்டுகளாக வெட்டி
குக்கரில் தண்ணீர் வைத்து மஞ்சள் தூள் சேர்த்து
இரண்டு விசில் வந்தவுடன் இறக்கவும்.

குக்கரில் இருந்து எடுத்து வாழைக்காயின் தோலை உரித்து
நன்றாக துருவிக்கொள்ளவும்.
இஞ்சியை நன்றாக கழுவி தோல் உரித்து துருவிிக்கொள்ளவும்.

வாணலியில் எண்ணைய் வைத்து தாளிக்கவேண்டியவைகள
தாளித்து துருவிய வாழைக்காய் துருவலைப் போடவும்.
பின்னர் தேங்காய் துருவல்,இஞ்சிதுருவல் ,உப்பு ஆகியவற்றை சேர்க்கவும்
நன்றாகக் கலந்து இறக்கவும்.
கடைசியில் எலுமிச்சம்பழம் பிழியவும்.