3. பாகற்காய் பிட்லை

 

தேவையானவை:

மிதி பாகற்காய்  1/4 கிலோ
கொண்டைக்கடலை 1/2 கப் (channa)
துவரம்பருப்பு  3/4 கப்
புளி எலுமிச்சை அளவு
மஞ்சள் பொடி 1 டீஸ்பூன்

கொத்தமல்லித்தழை சிறிதளவு

உப்பு,எண்ணெய்   தேவையானவை
----
அரைக்க:

தனியா 2 டேபிள்ஸ்பூன்
கடலைபருப்பு 2 டீஸ்பூன்
மிளகாய் வற்றல்  6

மிளகு 1/2  டீஸ்பூன்

சீரகம் 1/2 டீஸ்பூன்
உளுத்தம்பருப்பு 1 டீஸ்பூன்
தேங்காய் துருவல் 1/2 கப்
பெருங்காயம் ஒரு துண்டு

கறிவேப்பிலை சிறிதளவு

-----------

உப்பு,எண்ணெய் தேவையானது

---
தாளிக்க:

கடுகு 1 டீஸ்பூன்

,உளுத்தம்பருப்பு, 1 டீஸ்பூன் 

மிளகாய்வற்றல், 2

கறிவேப்பிலை 1 கொத்து 
-----

செய்முறை:

கொண்டக்கடலையை முந்தினநாள் இரவே ஊறவைக்கவும்.
. ஒரு குக்கரை எடுத்துக்கொண்டு அதில் கீழ் அடுக்கில் துவரம்பருப்பை மஞ்சள்தூள் சேர்த்து இரண்டு கப் தண்ணீரிலும், மேல் அடுக்கில் கொண்டக்கடலையை சிறிது தண்ணீருடனும் வைத்து 4 விசில் வந்ததும் குக்கரை அணைக்கவேண்டும்,

மிதி பாகற்காயை காம்பை எடுத்துவிட்டு குறுக்காக வெட்டவும்.

அரைக்கக் கொடுத்துள்ள பொருட்களை எண்ணய் விட்டு வறுத்து நைசாக இல்லாமல் அரைத்துக்கொள்ளவும்.

புளியை ஒரு கப் தண்ணீரில் கரைத்து வடிகட்டவும்.
----
ஒரு அகண்ட பாத்திரத்தை எடுத்துக்கொண்டு எண்ணைவிட்டு தாளிக்கவேண்டியவைகளை தாளிக்கவும்.

பின்னர் குறுக்காக வெட்டிய பாகற்காய்,ஊறவைத்த கொண்டக்கடலை இரண்டையும் சேர்த்து வதக்கவும்.

மிதி பாகற்காய் நன்றாக வெந்ததும் புளிக்கரைசலை சேர்த்து கொதிக்கவைக்கவும்.

புளி பச்சை வாசனை போனபிறகு    வேகவைத்த துவரம்பருப்பு, கொண்டக்கடலை,அரைத்த விழுது மூன்றையும்   தேவையான  உப்புடன்  சேர்த்து கொதிக்க வைக்கவும்

எல்லாம் சேர்ந்து கொதிக்கும் போது தேவையான தண்ணீர் சிறிது சேர்த்து நன்றாக கொதித்த வுடன் அடுப்பை  அணைத்து கொத்தமல்லித்தழை  தூவவும்.

சுவையான பாகற்காய் பிட்லை ரெடி.