2. வெண்டைக்காய் சாம்பார்

தேவையானவை:

வெண்டைக்காய் 15

துவரம்பருப்பு   3/4 கப்

புளி எலுமிச்சை அளவு

சாம்பார் பொடி 2 டேபிள்ஸ்பூன்

மஞ்சள்தூள் 1 டீஸ்பூன்

பெருங்காயத்தூள் 1 டீஸ்பூன்

உப்பு,எண்ணெய் தேவையானது

கொத்தமல்லித்தழை சிறிதளவு

----------------------------

தாளிக்க:

கடுகு 1 டீஸ்பூன்

கறிவேப்பிலை ஒரு கொத்து

------------------

செய்முறை:

வெண்டைக்காயை நன்றாக தண்ணீரில் கழுவி விட்டு ஒரு துணியால் துடைத்து  நான்கு துண்டுகளாக வெட்டிக்கொள்ளவும்.

துவரம்பருப்பை  இரண்டு கப் தண்ணீருடன்  குக்கரில் வைத்து வேகவைக்கவும்.( 4 விசில்)

புளியை ஒரு கப் தண்ணீரில் கரைத்து வடிகட்டவும்.

அடுப்பில் ஒரு கனமான பாத்திரத்தை வைத்து அதில் சிறிது எண்ணெய் சேர்த்து .கடுகு கறிவேப்பிலை தாளித்து நறுக்கிய வெண்டைக்காய் துண்டுகளை மஞ்சள்தூளுடன் சேர்த்து  வதக்கவும்.

வெண்டைக்காய் வெந்தவுடன் புளித்தண்ணீர் சேர்த்து அதனுடன் தேவையான உப்பு,சாம்பார் பொடி, பெருங்காயத்தூள் சேர்த்து கொதிக்கவிடவும்.தேவையானால் சிறிது தண்ணீர் சேர்த்துக்கொள்ளவும்.

புளி பச்சை வாசனை போனபின் வேகவைத்த பருப்பை சேர்த்து சிறிது கொதிக்கவைத்து அடுப்பை அணைக்கவும்.

கடைசியில் கொத்தமல்லித்தழை தூவவும்.